Bukan Untuk Dunia Semata-mata

Setiap makhluk yang Allah ciptakan adalah untuk kita pelajari dan mengenal Allah.

Lihatlah cahaya yang menyinari awan yang seolah-olah menggambarkan bahawa orang yang beriman akan mendapat cahaya dari Allah manakala orang munafik dan kufur kepada Allah akan berada dalam kegelapan.

TANAM POKOK DALAM TANAH YANG TIDAK SUBUR

Kawase rumah ambo tanah tak subur. Sebabnyo tanah bukit hok kena taroh, ada banyak batu pah pulok tanah kerah kong.

Tanah rumah ambo kerah kong, ada batu apar. Belok cok-cok maso galli lube.

Masa mulo-mulo duduk sini (cuti bule Mac 2017), ambo ada tane pokok puding. Alhamdulillah dale belah-belah pokok ada 7 pohon hok iduk.

Pokok puding daun haluh, dekat setahun dah tane. Mujur iduk lagi. Alhamdulillah.

Ada 5 pohon pokok puding ni, ambo gembur tanoh nge bue ruput hari ni (27.1.2018). InsyaAllah berisi sikik pah-pah ni.

Alik tepi rumah sebeloh kiri tanah dia subur sikit, sebab tanah nambun. Pokok-pokok kawase tu segar banding nge tanoh kerah. Ada pokok serai, pokok duye, kace boto, ubi, mokte anok sekolah, limau puruk.

Tanah nambun dia subur sikit, segar pokok duyan ambo. Tinggi dia bandin nge anok sulung ambo. Maso tane mulo dale 30 cm jah. Alhamdulillah.

Pokok serai nge pokok ubi kayu segar molek. Pucuk ubi kayu boleh buat penawar batuk. Uli-uli pucuk nge kapur make, pahtu air dio sapu bawah tekok nge atah blake, insyaAllah boleh tidur molek.

Ambo tane pokok-pokok di tanah kerah ikut pandue dari ayoh ambo, Gali lube dale 3x3x2 kaki (dale lube lebih kure 2 kaki). Ayoh ambo pesan, lube tu kena gati nge tanoh gembur atau tanoh ite.

Kawase ambo payah nak ambik tanoh subur. Jadi ambo kutik taik-taik lembu nge taik kuba untuk bubuh dale lube. Dale lube tu jugok ambo bubuh abu nge are. Kade-kade ambo bakkar dale lube.

Loni ada 7 jenis pokok ambo tane guno kaedoh tu. Alhamdulillah hidup molek,

Pokok mata kucing, lube-lube tu ambo standby untuk kambus sisa-sisa makane. Kalu ada perut ike koho molek kambus dale tu, baja asli tuh. 

Pokok nona, pak cik che wee tuke kebung skc hok bui. Pokok ni buoh dio serupo durian selat/belanda.

Ni dia lube 3x3x2 hok ambo tak tane gapo-gapo lagi. Ado blako dale tu taik lembu, taik kuba, are dan abu. InsyaAllah segar pokok bila tane pah ni.

 Pokok lada nge pokok durian belanda. Lada tu make hasil dah, alhamdulillah segar molek pokok.

 Pauh epal, tak seko segar gitu mo....kerja Allah taala, dale dok nanam ni, banyak hok ambo belaja mengenai keesaan Allah azzawajalla.

Pokok jambu batu, teknik samo ambo guno. Gali lube pah tu bubuh bajo asli.

Dengan sikit perkongsian ni, ambo harap demo boleh ikhtiar untuk nanam pokok di kawase rumah. Pilih pokok saiz kecik, kalu pokok besar kena jauh dari rumah jiran. Kalu dop, cari baloh seksok. Pokok duye hok ambo tane tu, jenis pendek. Isteri ambo beli nge Cgu Wia SK Chenulang.

InsyaAllah lepas ni ambo cerito berkenaan tanam pokok lado.

Sekian, terima kasih.

MANA MOLEK? BLOG NGE FB....(S1)

DULU BLOG SOHHO, BILA TIMBUL FB, IG, DAN SEUMPAMANYA BLOG JADI TENGELE...

Pendapat ambo, kalu kita minat nulih, blog adalah mugo terbaik untuk gatti nota atau diari. Sebabnya

blog ni adalah hidup dale zame teknologi.

kalu kita nulih sebab nak soho, mukin fb hok terbaik. Tapi male nyo tak dop ore nak "klik like"..hahahaha

molek benar jika kita suko nulih. tulih lah gapo-gapo hok menarik bagi kita. sebab untuk kita dan buke niat kita nak kaca ore.

mukin satu hari nati, kita nak tunjuk ko anok cucu kito zaman kito mudo-mudo. adakah kita nak tunjuk album gamba?.......atau gamba kito dale fb...mukin kito tak kosi gamba-gamba koksir. tapi ngepen hok ada dale fb, hok dok alik tepi.....ngepen ubat kuatlah, ngepen viagra lah, ada model seksi lah dan mace-mace lagi hok ngarut.

malu kito kalu ble-ble dok tunjuk ko anak cucu, tiba-tiba ada iklan tak molek.

jadinya, blog ni buke bebas sepeti fb. atah kita nak hias lagu mana.....ibarat buku nota kita.

kita nak salin doa-doa ko

nak kosi resipi kek hok kita buat sediri ko

nak nulis pengelame kito g umrah ko

mace-mace lagilah.

iklan-iklan hok ngarut, hok lucah, tak dok dale blog. keecuali, kita hok letok!

JANGE CARI PASA..

......
nak belaja buat blog dop?

kalu nak, insyaAllah ambo ajar dari asas. mudah jah. Allah akan buka jale kalu niat kito molek.
kalu nak belaja, tulis komen di bawah deh.

pah, nati siri 2 (S2) ambo akan masuk bab nak cipta blog.

.....................
apa-apapun, terima kasih kerana sudi baca.

wassalam.